آسف على التأخير
بسم الله نبدأ البآرت
البــارت الرابـع:
مستحيل أخلي عمتي تأخذها معها..
عماد:لأ,ياطلال ماخبرتك أناني ,إذا أنت الرجال تأثرت لما شفت البنية ,كيف الحرمة ومو أي حرمة أم وشافت شبيهه لبنتها المتوفية ,كيف تبي تكون ردة فعلها .
طلال:بس هاذي مو عبير بنت عمتي ..هاذي عبير حقتي أنا اللي أنقذتها ,أنا اللي جبتها للعايله ,عمتي مالها حق تأخذها معها.
عماد:طلال هو كم يوم بس,اللين عمتي تروق شوي
طلال:ماأقدر أخليها تبات برى البيت ,كيف بنام وهي بعيدة عني ...كيف؟!
ضرار:عماد على حق لازم تتفهم الوضع وتتقبله ياطلال كلها كم يوم وبس .
طلال :بخليها تروح يوم واحد بس .
في مجلس الحريم...........أم عبد العزيز:لأ ماتأخذها معها يعني ماتأخذها هاذي مو بنتها مو بنتها.
أم عماد:هدي يختي ,أنتي ماتشوفي كيف حال شيخه ,خليها تأخذها معها اللين تهدأ الأمور وتوضح الصورة في ذهنها.
أم عبد العزيز: وطلال .......وطلال أنا ماصدقت انو يرجع مثل قبل,رجعت له الحياة والفرحة والأمل بوجودها ..كيف تبيني أحرمة منها !كيف؟
أم عماد:طلال رجال وأكيد بيتفهم الموضوع ...بس شيخه أللحين ماتنلام لازم تأخذ وقت وتتفهم الحقيقة .
عبير:أنا خايفة ,مآبي أروح معها .
نوير:لا تخافين أنا وسارة بنروح معكم
شيخه مسكت يد عبير وطلعوا ...في الحديقة كان طلال واقف ينتظرهم ...عبير لما شافت طلال ضمة باقة الورد بقوة ..طلال تقدم لناحيتهم ولحق بهه ضرار .
طلال:عمتي ممكن أكلم عبير شوي بس
شيخه:لأ,أخاف تأخذها مني ...
طلال:لأ,بس بكلمها
ضرار:طلال,طلال
طلال:بس بكلمها شوي أنتو متفهمون
مسك يد عبير وأتجه بها عند المسبح ,,, طلال: حبيبتي أنا وعدتك أني ماأتركك ولا أبتعد عنك ...بس عمتي أللحين مصدومة ..بخليكي يوم واحد بس عندها ,بعدها بترجعين لي
عبير:وهي تبكي بس أنا مو مرتاحة ,خايفة ...أنا..أنا..أنا ماابيك وما أبيها وماابي احد ..أبي أعرف مين أنا ..مين أهلي ..أنا ماني لعبة عندكم يوم عندك ويوم عندها ويوم مدري وين.. يوم أحس بالأمان ,ويوم تشتتوني .
طلال:خلاص ياقلبي مراح تروحين معها
عبير:لو سمحت أنا اللي أقرر,أنت أنقذت حياتي من الموت وأنا مديونة لك ..حياتي أنا اللي أقرر كيف أعيشها لحد هنا وبس ,,اللزم حدودك معي .أبعدت يدها عن ايدية وراحت
وتركته مصدوم وتركت قلبه ينزف ..
يابعد هالدنيا ليه حبيبك تقسى علية ...اللي اهدالك حياته وأنت مستكثر تجية ... أرخص الدنيا لحياتك وأشترى فرحة حياتك ..لو طلبت عيونه جاتك وأنت تتغلى علية .لك حبيب يموت فيك حس به الله يهديك ..هو منشغل باله عليك وانت مافكرت فية ...كنك الماي لضماه وفرحته ولمسة شفاه ..وأنت حلمة في الحياة وأنت كل اللي يبيه ....
غصون على حالها جالسة على ألنت :
يلا ياقلبي سرينا ضاقت الدنيا علينا المسافر راح
أنا أبي أفهم ليه كل مرة تراسلني تسألني عن العنود
Alphanumericprintar
لأنها الحب
يلا ياقلبي سرينا ضاقت الدنيا علينا المسافر راح
بس هي ماتجيب طاريك
Alphanumericprintar
يلا ياقلبي سرينا ضاقت الدنيا علينا المسافر راح
لأ نها خجولة,أنا متأكد أنها مانستني
يلا ياقلبي سرينا ضاقت الدنيا علينا المسافر راح
عندي لك خبر ,ينسيك العنود
Alphanumericprintar
يلا قولي
يلا ياقلبي سرينا ضاقت الدنيا علينا المسافر راح
أختك عبير رجعت
Alphanumericprintar
شنو ,شفيكي جنيتي أنتي
يلا ياقلبي سرينا ضاقت الدنيا علينا المسافر راح
آخر الأخبار تقول انو عمتي شيخه وأم عبد العزيز يتهاو شو
عمتي تقول بنيتي وبآخذها غصبن عن اللي مايرضى,وأم عبد العزيز تقول لأ,مستحيل طلال مو راضي
Alphanumericprintar
أنتي ,تمزحين ولا تتكلمي جد
يلا ياقلبي سرينا ضاقت الدنيا علينا المسافر راح
أقولك أنا باروح أشوف الأكشن بنفسي ..يلا بآي. 0
أسامة في بريطانيا ياالله وشصاير في السعودية ..أنا لازم أنزل وأشوف بنفسي..
في بيت العمة...شيخه:وهاذي غرفتك يعيوني من غبتي وأنا كل يوم أنظفها وأبخرها ،،أغراضك كلها بنفس مكانها ..
عبير تفاجئت بالصور اللي بكل أركان الغرفة:هاذي أنا اللي بالصور
العمه:ايوا يمه
عبير:هاذا طلال..بس باين أصغر
العمه:هاذي الصورة في يوم ملكتكم
نوير:أخوي طلال كان مملك
سارة:ايوا كان مقرر زواجنا أنا وعبير وضرار وطلال بنفس اليوم بســـ..........بس ....
العمة :يلا يابنات أطلعوا برا خلو حبيبتي ترتاح
عبير:معليش ياأمي خليهم معي شوي
شيخه:كل اللي تبينه يصير ,أنا بوصي الطباخ يسوي العشاء ,يلاأخليكم يابنات .
نويروعبير:سارة نبي نعرف القصة بالتفصيل
سارة:وش اللي تبون تعرفونه بالضبط
نوير:علاقة عبير بـ طلال
عبير:أبي اعرف كيف ماتت
سارة:علاقتهم كانت رومانسية لأبعد الحدود ,الكل كان يتمنى يعيش في الحب اللي هم عايشينة ,عبير طول الوقت كانت تتكلم معه ولما يغفلوا تتكلم عنه ,وهو في كل مرة يشوفها يتغزل فيها مايهمه أي أحد ,حتى قدام أمي وأبوي ..ضلو على هاذا الحال إلا إن مرضت عبير ..عبير تغيرت 180درجه
في تعاملها مع الكل ماتتكلم معي كثير ,تتعامل مع طلال بجفى ,رفضت أنها تتعالج لما طلبو منها تحلق شعرها ,لأنو كان معها الخبيث بالراس الله يكفينا وإياكم الشر ويشفي كل مرضى المسلمين ...طلال :بالرغم من معاملتها الغاسيه له ماتركها ولا لحظة وكان يحاول يقنعها بالعلاج ..بس هي رافضه وبكل حزم ..قرر طلال بحكم انو عاقد عليها يعني زوجها انو يسافرو وتتعالج برا غصبآعليها ..بس للأسف توفت قبل مايسافرو.
عبير تبكي بقوة يعني أنا متت.. .سارةونويرههههههههههههههههه.هي أنتي مو عبير
نوير:طيب طلال كيف كان حاله؟
سارة:حالته سيئة للغاية تغير كثير نسى الفرح فقد الأمل بالحياة صار غاسي في تعامله مكرس حياته في الشغل وبس
صار إنسان انطوائي..ماعاد طلال المز وحي اللي يهز المجلس بالضحكات ..ماعاد الرومانسي اللي نظرة من عينه تذبح .
نوير:ياقلبي عليك ياأخوي ..عبير تكفين طلبتك ماتزعلي طلال أبد يكفيه اللي شافه بحياته .
عبير:بس انازعلته ,وحكيت لنوير كل اللي دار بينها وبين طلال عند المسبح.
نوير:حرام عليكي ,مايكفي الحزن اللي عاشه عشر سنين لاتزيدية..خذي موبايلي وكلميه ,واعتذري منه وعيشي معه الحلم.
ساعات أحس أن الزمن قاسي ولايمكن يلين ...وساعات أحس
أن الفرح محال ولايمكن يحين ...هاذااللي شفته بدنيتي وكل مامضىلي من سنين .....يامن يعلمني الفرح ويفرح القلب الحزين...أشكي مرارة حيرتي بدنيا ماظن بتزين وإذا بدئ بعيني الأمل تجد أحزاني وتبين...روح زماني وانتهى وترك لي الجرح الدفين..دنيا كفى الله شرها تخلي كل قاسي يلين.....
طلال على حالته من تركته عبير واقف عند المسبح ومسهم
رن جوالة نغمة رسالة ..فتح الرسالة وفتح عيونه على الآخر,معقول أنا أحلم ,لأ,فرص عيونه وقرأا لرسالة للمرة الثالثة ..أنا عبير كلمني .
طلال بفرح على خوف :الو
عبير:هلا طلال ,كيف حالك
طلال:على نفس حالي متغير
عبير:كيف يعني مافهمت
طلال:واقف عند المسبح وأفكر فيكي
عبير:يابختك المنظر عندك رووعة ,ليتني جنبك
طلال:أنتي تتكلمين جد,يعني أنتي منتي زعلانة مني
عبير:أنا كلمتك علشان أعتذر منك ,أنا كنت منفعلة والكلام طلع من وراء قلبي ,أرجوك سامحني
طلال:آهـ يابعد عمري ..أنا اللي أعتذر منكي عيشتك في دوامة ,مالك دخل فيها .
عبير:طلال أرجوك خلنا ننسى اللي مضى ونعيش من جديد
.طلال:أنا اللحين بجي آخذك
عبير:هههههه لأ,ياعمري دخول الحمام مو مثل خروجه
طلال:توك تقولين نعيش من جديد !
عبير:ايوا مثل ماأنت لك حق ,أمي بعد لها حق .
طلال:عبيرانتي ملك لي وحدي منتي بنت عمتي علشان يكون لهاحق .
عبير:شكلك ماتبت,أنا قلت أني انااللي اقرركيف أعيش حياتي
طلال:شكلك أنتي اللي ناوية على الشر,تعيشين معي أناوبس وما أبي أي نقاش .
عبير:صدقت نوير يوم قالت عنك قرقوش
طلال:هههه,دوم أسمعها بس مكنت أدري أني المقصود.
أقولك أنتي مرتاحه في بيت عمتي .
عبير:في البداية كنت خايفة ,بس اللحين مرتاحة ,عمتي مره طيبة ,ونوير وسارة معي ,بالعربي كلو تمام.
طلال:وأنا وش رايك فيني؟
عبير تحاول تغير الموضوع ..باقة الورد مررررررررة ذوقك راقي .
طلال:أعجبتك
عبير:كثير
طلال:فهمتي معانيها
عبير:ريوف وسجى وندى ماقصرو فهموني معنى كل لون وردة.....وكملو عبير وطلال سوالف........
نرجع للمجلس ...عند الرجال..
ضرار:طلال ماشفته من يوم طلعو عمتي والبنات
عماد:لا تخاف علية ,تم مسرح شوي بعدها جاه اتصال والحين هو في قمة الرواقان .
عند البنات:أماني: واااوكل هاذا صار بينك وبين عمار
أريج:ايوا ,ووعدني انو مراح ينساني ابد.......
العنود:كلهم يقولو هالكلام ,وبس يسافرو ينسو كل الوعود ,وكل الحب .
غصون عرفت قصد العنود..:أقول العنود عندي لكي سلام
العنود:من مين ؟
غصون:من أسامه ولد عمتي
العنود:ليه ,هو في السعودية
غصون:لأ,السلام جايك من بريطانيا
العنود:شوصلة عندك؟
غصون :الماسنجر
عروب بنات يلا قومو على العشاء
في بيت العمة:دخلت نوير الغرفة:أنتي للحين تكلمين طلال
طلال:قولي لها بكلمة للفجر
عبير:يقولك بيكلمني للفجر
نوير:الله يهنيكم ,بس بعد العشا ءلأننا ننتظرك ..لا تطولي
طلال:سمعت ..تعشي بعدها على طول كلميني
عبير:وأنت منت متعشي
طلال :أنا شبعت صوتك يشبعني ,ويرويني ويغنيني عن الدنيا كلها .
عبير:إذا أنت مااكلت ,انابعد مابي آكل
طلال:طيب خلاص بروح .
في مجلس الرجال ..دخل طلال السلام عليكم
الكل: عليكم السلام
عماد:الناس يسلمون مره باليوم
طلال:واللي توهم مولودين؟
ضرار:ما يسلمون أبد
طلال:أنا شيفكني منكم
مشاري :تفضلو على العشاء
بعد العشاء ..الكل اتجهه لبيتة.
عماد:ليه ياعمري
منال :مااقدر أخلي أمي, حالتها صعبة بنام معها
عماد:وأنا بتتركيني لوحدي
منال :العيال وخالتي معك
عماد:وش رايك أمي تأخذ العيال وأنا أنام معك
منال:وين تنام فيه
عماد:صديقي طلال تعبان وبنام معه في بيت أهلك
منال:لأ,شكرا العيال وخالتي محتاجينك أكثر.ويلا أنا بنزل وقف السيارة.
فيصل:طلال أخوكي اليوم متغير كثير.
الهنوف:أكيد طبعا,هاذي سوايا الحب
فيصل :يعني هو يحب وأنا أنحرم من حبيبتي
الهنوف:حبيبي كلها يوم واحد أمي تعبانه ولازم أكون جنبها
فيصل:مو بس أنتي الظاهر كلكم بتنامو عند عمتي الليلة.
الله أكبر..الله أكبر ..الله أكبر.....أشهد أن لا إله إلا الله
أشهد أن لا إله إلا الله ...أشهد أن محمد رسول الله.. أشهد أن محمد رسول الله .. حي على الصلاة.. حي على الصلاة ..حي على الفلاح .. حي على الفلاح ..الصلاة خير من النوم ..الصلاة خير من النوم ..الله أكبر.. الله أكبر .. لا إله إلا الله .
عبير:أنت ماوراك دوام؟
طلال:مو مهم ,طول عمري وأنا أشتغل , خلينا نعيش حياتنا .
عبير:بس أنا ماحب الرجال العواطلي
طلال :يعني أنا بنظرك عاطل
عبير:طلال عاد أنا تعبت وأبي أنام
طلال:اوكي حبيبتي بس تصحين كلميني
في بيت بو خالد........منيرة وعيالها وليد وعمار وعروب ,ومعهم مشاري ونوف يفطروعلى طاولة الطعام ..منيرة:حيا الله مشاري تو مانورت السفرة
مشاري:هههههه منوره بوجودكم
وليد:قررت أنك تشتغل في الشركة ..
مشاري :دام خالك مجهز المكتب ليه لأ؟
منيرة:خير ماسويت ,مالك بقعدة البيت ,,نوف حبيبتي لية ماتفطرين؟!
نوف:مالي نفس ,تعبانة شوي
عروب تهمس لها:قلنا مااحد ينفعكي ..أفطري أحسن لك
نوف:لأ,أنتي فاهمة غلط ,أنا أفكر أننا نفطرفي زيزون أو في أستار بوكس.
عروب :ياالله ,ليه ماقلتي من بدري علشان ما أفطر .
نوف:بيمدية ينهضم ,ربعنا مايصحون غير الضحى
عروب:على قولك ,المهم أننا بنطلع ونفلها.
في بيت بو عبد العزيز........
منال:كيف حالك ياأمي أللحين
أم عبد العزيز:الحمد لله أحسن ,شفتي أخوك شنو حالته وشو يسوي؟؟
منال:ايوا,أنتي حاملة همه وهوطول الليل ماسك الجوال ضحك وسوالف الين الفجر ،ولاجاب خبرك
أم عبدالعزيز:أنتي متأكدة أنو يكلمها ولا يكلم نفسو
منال:تطمني يكلمها هي ,أنا طول الوقت أتصل على جوال نوير ويعطيني أنتظار,وبعد ما كلمت سارة قالت أنو جوال نوير عند عبير .
أم عبد العزيز:الله يطمن قلبك يابنتي وسامحمني أنتي والهنوف تركتو بيوتكم ورجالكم علشاني
الهنوف:شدعوة ياامي كلها يوم
أم عبد العزيز:الهنوف كلمي فيصل يتغدى معنا اليوم ,وأنتي يامنال كلمي خالتك وعماد يجيبوالعيال وتغدو معنا .
طلال بعد ماأتروش وضبط نفسو ...طلع من الجناح وهو في طريقة للمصعد ..سمع صوت طفلة تبكي .....هاذا الصوت من جناح نوير..طق الباب ودخل وشاف ود بنت منال تبكي وماحد معها ..شالها ..شفيها الحلوه تبكي .
ود:ما ما ماما
طلال:ماما تحت يلا قومي اوديكي لها ..
في غرفة الطعام دخل طلال :صباح الخير
الأم بفرح :صباح النور
منال:صباح الحب
الهنوف:صباح الورد
منال:ود حبيبتي متى صحيتي
طلال:من ساعتين أنا وهي بنشتكي عليكي ,صح ود
ود:ثح
منال:حام عليك كلها دقيقة وبعدها أنت دخلت عليها
طلال:الأخت ساحرة
منال:لأ,الجهاز هوالساحر ,يلاحبيبتي تعالي عن حضن خالك
طلال:بوديها معي الشركة
الهنوف:تبغاها تغلب مكتبك فوق تحت
طلال:وأنا وشعلي برميها عند أبوها وهو يتحملها
منال:علشان يترك شغلة ويجينا جري ,هو يبيها من الله
طلال:أساسا اللي يشوفها معقدة حواجبها كذا ,يقول بترجعني من نص الطريق بصياحها
الهنوف:تسهل أنت على شغلك وخلني أنا مع هالحلوة ..أمس مالعبت معها..هي من نصيبي اليوم .
طلال:أجل يلا سلام
أم عبد العزيز:ياعمري مافطرت
طلال:فية العافية بس أنا تأخرت كثيرو أخاف أبوي يطين عيشتي ,نروح نفطر مع النسايب أكيد مالقو من يفطرهم اليوم وغمز لخواته وطلع .
في بيت العمة....دخلت العمة غرفة عبير ..تبي تصحيها .....
عبير..عبير..أنتي للحين نايمة ...
عبير:امممممم..آمري ياأمي تبين شيئ
العمة:حبيت أجلس وأتكلم معك شوي , طول البارحة وأنتي تكلمي في الموبايل ما قدرت أتكلم معك
عبير:هههههه اوكي خلاص يالغالية دقايق بس أغسل وجهي وأجيلك
طلعت عبير من دورة المياه ,وشافت العمه تطلع من المكتبة البوم صور كبير
عبير:واااااوشنو هاذا!!
العمه:هاذا الألبوم فيه كل صورك من كنتي صغيرة ,وقامت تغص عليها حكاية ومناسبة كل قصة .
نوير:شنو بنسوي مع عمتي تتعامل مع عبير على أنها المرحومة
سارة:أفكر أني أشرح حالتها عند دكتور نفسي ,حاولت أني أرجعها للواقع بس ماقدرت .
في بريطانيا ....أسامه بسرعة عجل ياخالد مابقى على الطيارة غير ساعتين ,يدوب نوصل المطار.
خالد:عمي أنا ماني لاقي التذاكر
فهد:التذاكر كلها معي
خالد:طيب ياخي تكلم أنا من الصبح أدور عليهم
فهد:ماأدري عنك ,أنت ماسئلتني
أسامه:يلا أنت وياه كملو نقاشكم في الطريق ،تأخرنا
خالد:ليه أنت مصر أننا ننزل السعودية في هاذا الوقت معا انو مابغي غير شهرين على نهاية الكورس
أسامه:صايرة سالفة في السعودية وماحد معطيني وجه يفهمني اياها,مالي إلا انزل بنفسي واعرف القصة
فهد:تخص البنت الغريبة.
أسامة:أنت شدراك عن البنت
فهد:العصفورة قالت لي
خالد:عمتي سارة ماتخبي عنك شيئ ابد
الساعة 2,00 الظهر ,يا صاحبي وشفيك جالس لحالك ..هاذي
نغمة مشاري ,,مشاري :الو ..هلا
متعب :أهلين ,وينك يومين ماسمعنا صوتك
مشاري :في الشركة,اليوم أول يوم دوام لي.
متعب :مبروك ,مبروك ,,معناها الفطور اليوم عليك
مشاري:أي فطور ,الساعة اللحين 12,00
فطور العاطلين عن العمل
مشاري:هههههههه,خلاص اشوفلك وظيفة عندنا
متعب:أما مدير وإلا فلا ...
مشاري:مدير عاد,,كثر منها ,مراسل وتخب عليك
متعب:موافق بس لا تجوعنا
مشاري :دقايق وأنا عندكم بس ترى ساعة وبس أنا مرتبط .
متعب: صار,كلنا ننتظرك في ستار بوكس
في بيت بو عبدالعزيز..أماني :يلا العنود بسرعة تأخرنا على نوير وعبير
العنود:طيب بس اللبس العباية ,,جوالك يرن
أماني:ألو هلا ,بس ربع ساعة ونكون في ستا ربوكس
أريج:حيلك,,حيلك أنا مابعد جهزت
أماني :ليه وشعندك !!
أريج:سواقنا ,راح يجيب أغراض من الماركت
أماني:اها طيب,خلاص أخلي سواقنا يمرعليكي وبعدها يمر على نوير وعبير ,وأنا أروح مع خالتي نوف ..يلا أجهزي.
في ستار بوكس....كانو جالسين متعب وطارق ورائد ,دخل عليهم مشاري :هاي شباب
الشباب :أهلين
رائد:تعال هنا جنبي ,كذا تعادلنا اثنين يشتغلو واثنين عاطلين
طارق :قصدك متسببين,مثل ماهو مكتوب في بطاقة الأحوال..هههه.
متعب:طارق شنو سويت مع بنت ضاحي
طارق:أخذت اللي أبية منها وتركتها ..
رائد:ليه سويت كذا حرام عليك..
طارق:ولما أبوها يقتل أبوي قدام عيني علشان قطعة أرض هي بالأساس ملكنا ..مو حرام ولما يجبر أخوه أنو يطلق أختي ويعيبها ..مو حرام .
مشاري:بس البنت مالها ذنب بأفعال أبوها.
طارق:وأختي بعد مكان لها ذنب يطلقها من زوجها ويفتري عليها ويظلمها.
متعب:هاذي بنت النعيرية وعرفنا لية سوية بها سواك الشينة بس لستت البنات اللي في جوالك هم بعد أنتقام.
طارق:لأ,هذولا للتسلية فقط.
رائد:الله يهديك ,بنات الناس صارو للتسلية
طارق:والله أنا ماجبرت أي وحدة فيهم كلهم كلموني برضاهم رائد:أنت الكلام ضايع معك . ..وأنت يامشاري وشو سويت مع تغريد.
مشاري:خلاص الوظيفة وأستلمتها ,بعد كم يوم بكلم أبوي يخطبها لي .
رائد:الله يوفقكم ,يلا سلام
مشاري:تو الناس ,وين رايح
رائد:حبيبي أرامكو مافيها يمه ارحميني
مشاري:والطلب
رائد:لا تخاف بأخذة سفري .
دخلو نوف وعروب وأماني الكافي ..أماني تعثرت وتوها بتوصل للأرض إلا.....مسكها رائد من كتوفها ..خير أختي صار لك شيئ
أماني :لأ,جت سلامات,مشكور أخوي
رائد:ماتعورتي
أماني:وهي حدها منحرجه ا لفشله بس
رائد:لأ,ماضن أحد أنتبه ,يلا أنتبهي على نفسك ,سلام .
أماني :تلتفت يمين ويسار دور ربعها ,,جو لها من بعيد شوي ,وجع وينكم خليتوني بروحي
عروب:فشلتينا,ورحنا علشان ماحد يشوفنا ههههههه
نوف:عسى ماتعورتي
أماني:آه هاذي أحلى فشلة في حياتي
عروب:بدأ تأثير العثرة يطلع ,خلونا نجلس في مكان أحسن
نوف:يحليلنا مسوين زحمة في المرور
لما جلسو ..عروب :الحمد لله الولد تدارك الموقف ولا كان رحتي ملح .
أماني:اصلآهو السبب في عثرتي
نوف:لا والله ,شلون جتك هاذي
أماني :أنا شفتة سرحت في جماله ياقلبي علية ,أمسحت بصبعها من تحت عينها اللي جنب شفا يفها جررررح
عروب :والله أنك فاضية المفروض أنك مفتشله منة مو تغزلين فيه.
نوف:اناحدي جيعانه ,بروح أجيب لي شيئ آكله
أماني:ا حسبينا معك
عند مكان الطلبات...نوف:لوسمحت 2موكا حار و1بارد
و2كروسان و1شيزكيك.
متعب اللتفت للصوت اللي جنبه ياالله,معقولة..وضحك ههههه
نوف:ناضرته بحده ,خير فيه شيئ !
متعب:لأ,بس بصراحة تشبهين واحد من الربع كثير.
نوف:وأنت فيك شبه من كلبنا كثير,,وأخذت طلبها ومشت
متعب:هههههههههههه كلبكم عاد...
عند طاولة الشباب ..مشاري:خير يامتعب ضحكنا معك
متعب:شفت وحدة تشبه لك كثير ولما قلت لها أنتي تشبهين واحد من الربع ,عصبت وقالت لي ..يضحك ..قالت لي وأنت تشبهه كلبنا .
طارق:يلعن أم الأسلوب ياشيخ ,في واحد يقول للبنت تشبهين واحد من الربع ,ولا مو أي بنت شبيهت مشاري..هو ولد ويذبح شلون وملامحة على بنت أكيد بتخق من مكانك.
عند طاولت البنات:جلست نوف وهي حدها معصبة ,البنات:وشفيكي ,عقدتي ألنونه.حكيت لهم كل اللي صار
عروب:هههههههه,بس ردك علية حلو ,أكيد سكته
نوف:لأ,تم يضحك ولا همه
أماني :هاذي عمتي نوير والبنات وصلو
نوف:ياويلك أن عرف أحد بسالفتي ,أذبحك
أماني :طيب
العنود ونويروعبيروأريج:سلمو على البنات
أريج:ليه مستنيتونا نفطر كلنا مع بعض
نوف:انتو اللي تأخرتو كثير
نوير:تعالي معي العنود,وهما راجعين نوير:هاذا مشاري اللي يكلم هناك
العنود:غريبة يقولون اليوم مداوم بالشركة
نوير:مين يكلم ,احسة منسجم مررة
العنود:تأخرنا على البنات
مشاري:ماأنتبه لهم لأنو كان يكلم تغريد
خلصو البنات فطور ,وقررو يتمشو في الكورنيش ,,,وهم طالعين عروب :هاذا خالي مشاري ,خلونا نتميلق يمه شوي
نوف:لأ ,الكلب اللي قلت لك عنه جالس جنبه
متعب:اللحق يامشاري شوف شبيهتك
مشاري:ههههههه الله يجازيك يشيخ هزئت أختي
متعب:أختـــــــــك,آسف مكنت ادري
مشاري: حصل خير ,بس لاتعيدها ياكلبنا
طارق:كل عايلتكم مزاييين .
مشاري:كأني أعطيتكم وجهه زيادة عن اللزوم ,سلام .
في السيارة ...نويرتكلم أمها :أمي البنات بيتغدو معنا اليوم
أم عبد العزيز:حياهم الله
الساعة 2,00ظهرا ,شيخة :سارة كلمي أختك تجي تتغدى معنا .
سارة وأبو سلطان يتبادلون النضرات , ضرار:عمتي عبير والبنات اليوم كلهم بيتغدو في بيتنا .
في بيت بو عبد العزيز:أم عبدالعزيز:منال كلمي البنات ينزلو يتغدو .
في جناح نوير...عبير أنا أبي أسوي شعري نفس هاذي الصورة .
أريج:منين جبتيها
عبير:هاذي صورة المرحومة بنت عمتكم
أريج وريوف:ياالله صدق ,كأنها أنتي بس الشعر يختلف
نوير:ليه حرام تقصري شعرك ,بس أصبغيه لأنو الأسود مولايق عليكي.
عروب:لأ بالعكس لماتقصرةأحسن علشان تبان لوة تسريحة مو كل ممسوك بسبب طوله.
منال :يلايابنات الغداء جاهز
العنود:دقايق بس أكلم الكوافير تجينا العصر
في مجلس الرجال..عماد:تكفى ياطلال بس نادها لي ,صارلي ربع ساعة اتصل عليها ماترد
طلال:لأ,ماني جابرها يمكن البنت طفشت منك وتبي تريح شوي ,حتى في بيت أهلها بتلصق فيها..
فيصل:آآآآآآه أول مره الهنوف تنام برا البيت .أحس البيت مظلم وكئيب .
طلال:يلا عاد فك نفسك كنا في واحد وصرنا في أثنين اللهم لك الحمد يارب .العقل نعمه
عماد:طلال عبير تناديك
طلال:بلاشعور فز من مكانة وأتجهه للمدخل عماد وفيصل ماتو علية من الضحك .
بعد الغداء ...اتصل طلال على نوير
نوير:عبير هاذا طلال أكيد يبغى يكلمك
عبير:الو
طلال :حبيبتي أنزلي من المصعد استنا كي
عبير:لأ,أخاف بنزل من الدرج
طلال:اوكي حبيبتي
عبير نزلت لطلال مسك يدها وراحو عند المصعد ,يلا أدخلي
عبير:لأ أخاف
طلال:تخافين وانامعك ,تمسكت فية ودخلو
عبير:وين بتوديني
طلال :بخليكي تشوفي مسبح أحسن بكثير من اللي تمنيتي انك تكوني معي وتشوفية .
عبير:قصدك أحلى من المسبح اللي في مجلس العائلة
طلال:ايوا,يلا غمضي عيونك وصلنا
عبير:أفتحهم
طلال:لأ,تعالي هنا تمسكي بيدي بقوة
عبير:وااو شنو وين بتوديني
طلال:أرفعي رجولك شوي ,يلا اركبي ,أللحين أجلسي ,أفتحي عيونك
عبير:وااااااااااااو ,خيال أحنا في وسط المسبح ,وناسة
طلال:حبيبتي استندي علي وسولفي لي وش سويتي اليوم
منال:آسفة حبيبي ،الجوال يشحن فوق
عماد:آه ياقلبي انشغل بالي عليكي
منال:ليت أنا في بيت أهلي مو بالشارع
عماد:أنتي لو سامعه اخوكي وش يقول كان مالمتيني ,يلا جيبي عيالك سرينا .
عند البنات..العنود:أنتي متأكدة انو أسامه بينزل اليوم
غصون:ايوا تلاقيهم اللحين بالجو
أريج:من قدك ياأماني خالد بيجي اليوم
أماني:خلية يجي وأنا وش علي
أريج:اللحين فتى الكافية نساكي خالد
أماني:أنتي لو شايفتة كأنو ملاك واقف قدامي
أريج:وخالد
أماني:حطيت علية اكس ْ من قررانو يسافر للشقر ويتركني
في بيت بو سالم:دخلت الهنوف الجناح ,ريحة العطور منتشرة في كل مكان .والشموع على الأرض على شكل أسهم تتجه للغرفة ,وداخل الغرفة كلها ورود وشمع مرسومه على شكل قلب .طالع شكلها جنان.الهنوف :متى سويت كل هاذا
فيصل:لما كنتي تحت في الصالة مع أمي,خلينا من الأسئلة أنا أشتقت لكي كثير ...........
نرجع لبيت بوعبدالعزيز:أم عماد:ليوم وجهك يبشر بالخير
آم عبدالعزيز:كل الخير ياأختي,اليوم طلال يسولف ويضحك ويمزح مع خواته.مثل أول وأحسن بعد
آم عماد:عساة دوم ,بس اسمحيلي وضع البنت في بيتكم غلط في غلط ..
آم عبدالعزيز :عبد العزيز بيدور على أهلها وبأذن الله بيتعدل وضعها .
عند المسبح....عبير:احش مشاعري متلخبطة للحين ,البارحه لو مكنت تكلمني طول الليل مدري كيف كنت بغضيها ,مااخبي عليك الغرفة موحشة مررررررة,
طلال:أوعدك أني مااحطك بهاذا الموقف مره ثانية
عبير:ياترى لو ترجع لي ذاكرتي واعرف شخصيتي الحقيقية ,بتضل تحبني .
طلال:أنا اللي خايف انك تنسيني وتفضلين ماضيك علي
جات رسالة على جوال طلال. عبير تعالي جت الكوافير
طلال:أنتي لية تبين الكوافير
عبير:بسم الله وأنت شعرفك
طلال:العصفورة قالت لي
عبير:وما قالت أنا شنو بسوي
طلال:قالت خلي حبيبتك تعلمك
عبير:النظر أحسن من السمع لما اخلص تشوفني
طلال:كم عندك فلوس
عبير:ليه ضروري فلوس
طلال:ههههههه,أكيد ضروري ,خذي هاذي 500ريال والباقي برسلها لك مع حدا البزارين
في المطار.....كان في استقبال الشباب سلطان ..الحمد لله على السلامة ..أسامة والعيال الله يسلمك
أسامة:وش القصة اللي سمعناها
سلطان:مااسرع ماتنتشر الأخبار,حتى في بريطانيا وصلت ,هاذا طال عمرك طلال ولد خالي لقى بنت تايهه في البر ووداها بيتهم والبنت على ماقالو تشبهه المرحومة كثير .وأمي الله يهديها أصرت تبيت البنت عندنا البارحة ..وبس
أسامة :يقولون أنا أمي تقول إنها أختي.
سلطان:هاذا بس من هول الصدمة عليها ,ترتاح شوي وتنسى في بيت العمة :هلا هلا بعيالي الحمد لله على سلامتكم
أسامه:شلونك يالغالية
شيخه:دام انتو كلكم جمبي أنا بخير ,شوي تجي عبير وتكمل الفرحة
أسامة:أمي أنتي بخير
شيخة :أكيد ياامي أنا بخير لا تخاف علي
أسامة:وسالفة البنت,,
شيخه:ليه كلكم مافهمتوني ,أنا ادري أنها مو بنتي الحقيقية ,بس ربي وهبها لي بنت علشان اعوض اللي فقدتة وسخرني لها أم تحسسها بلأمان والحنان اللي فقدته ,
أنا ماابي غير أعيش الكم يوم اللي باقين لي وهالبنت بحضني اقولها اللي ماقدرت اقولة للمرحومة واسوي لها اللي ما قدرت أسويه للمرحومة .كثير علي ياولدي.
أسامه :دام كذا ..اللحين أجيبها لك
في بيت بو عبدالعزيز....طلال:أمي الكوافير اللي فوق ماخلصت ..
الأم:لأ ,تو الناس البنات هثرتهم واجد .
الشغالة:بابا تلال فيه واحد نفرات يبي انتي برا
طلال:خير مين بيجي من غير موعد ..دخليه المجلس
دخل طلال المجلس :معقول أسامة عندنا يامرحبا مو أنت مسافر ..
أسامه :ايوا وصلت اليوم طلال:تفضل في الصالة منت غريب ,حيا الله ولد عمتي
بعد ماسلم أسامه على أم عبدالعزيز ..جلس يسولف لهم عن وجهت نظر امة في الموضوع ..
طلال:اسمح لي يااسامه عمتي على العين والراس ..بس البنت مراح تطلع من بيتنا إلى على بيت أهلها.
أسامه:بس أمي حالتها صعبة
طلال :وبنت الناس بعد حالتها صعبة مايصي نشتتها هنا وهناك .
شوي وسمعو دربكه من عند الدرج ناضرو وشافو سجى تركض وعبير ورآها سجى لفت ورآجدتها ,جدتي جدتي الفزعه وعبير بسرعه رمت بنفسها في حضن ام عبد العزيز ,أمي شوفيها أخذت البر وش حقي .
طلال وأسامة متفاجئين ..أسامه على طول تذكر عبير أخته لما أخذ منها علبة الشكولاته اللي أبوهم جايبها من سويسرا وراحو ركض هو ورا امة وهي في حضنها ولما عبير أخذت العلبة مدت له لسانها ...فتح عيونه على مدة لسان عبير على سجى ...أسامة تشبهها حتى في الحركات مو معقوله
طلال:بعد ماهو فتح عيونة من المفاجئة اللي ماتوقعها تسوي شعرها مثل عبير مو كافي الملامح ,صرخ بغضب شديد :انتي وياها على فوق وأنتي أشر على عبير لاتطلعين من غرفتس ابد فاهمة .تركهم وطلع على غرفته ..
أسامه:ماالوم أمي بعد اللي شفته ,
ام عبد العزيز :ولا تلوم طلال ,ترى الحياة ماصار لها معنى إلا بوجودها جنبه.
أسامة :يلا خالتي أنا استئذان
الأم:تو الناس تعشا معنا
أسامه:مرة ثانية ,لاتنسين تبلغين عمي والعيال إن الغداء في مزرعتنا بكرة ..وهو يمشي جنب المصعد انفتح واطلعوا منه العنود والكوافير .
أسامه:هلا العنود ,كيف حالك
العنود:خجلت كثير من شكلها وبكت وطلعت بالمصعد
الكوافير:شو شو فيها هايدي جنت أنا مابدل المخرج
أسامة :امشي خليني أوصلك للباب ,ياعمري يالعنود حتى وأنتي حاطتا خرابيط على وجهك تجنني ,بس بجد شكلها كان يضحك ..
في جناح نوير:طيب فهميني شنو صار خلاكي تنهاري كذا
عبير:اسئلي اخوكي المتغلب .أبي أنام اطفي النور .
نوير:وشفيكم انتو بتجننوني هناك عبير تصيح وهنا انتي يالعنود شنو فية تحت..العنود:تخيلي بعد هالغيبة الطويلة أسامة يشوفني والماسك بوجهي .
نوير:ههههههه صدق وأكيد تخرع وانحاش ,بس بجد شنو يبي جاي بيتنا ..
أماني:تلاقيه جاي يخطب بس شاف هالوجه ونفذ بجلده
العنود:اطلعي انتي وياها خلوني أنام
نوير:النوم بدري صاير موضة وأنا مدري
ثاني يوم الساعة 12,00الظهر دق جوال عبد العزيز ز.
عبد العزيز: الو
ا لمتصل:الو ,عفوا اخوي ,أنت عبدالعزيز ال....
عبد العزيز: ايوانعم
مين اللي متصل على عبد العزيز ......عبير وطلال وشو بيصير بينهم ..والعنود واسامة شنو ينتظرهم ترغبو الأحداث القادمة وتقبلو تحياتي..
اضغط هنا لمشاهدة فضائح هيفاء وهبي بالفيديو
والصور
لمشاهدة فضائح
الفنانين اضغط هنا
31-01-2010, 03:41 AM
رد: روآية سعودية رومنسية خيآلية
طيب وبعدين صار لي كم يوم استنى الباقي متحمسه
مواضيع جديدة في قسم قسم الرويات
العرض العادي
